Idatzi iezadazu

Hasi aurretik, galduta sentitzen nintzen. Etengabeko bakardade- eta larritasun-sentsazioarekin bizi nintzen… «arraroa» sentitzen nintzen, beste inork ulertuko ez banindu bezala, gertatzen ari zitzaidanari irtenbiderik ikusi gabe. Garazirekin lanean hasi nintzenean, aldaketa handia gertatu zen nire bizitzan: argia ikusten hasi nintzen, ulertua sentitzen eta nengoen zulotik ateratzen. Gaur egun ere, beheraldiak izaten ditut, baina laburragoak dira. Landu ditugun tresnek segurtasuna ematen didate eta, bakarrik nagoenean ere, neure buruari eusten laguntzen didate. Horrek egunerokoa bizitzeko modua aldatu dit: orain lasaitasun, gozamen eta kontzientzia handiagoz bizi dut. Orain, nire arazoei duintasunez egiten diet aurre, nire burua samindu gabe, eta horrek alde handia ekarri du nire bizitzan.

Asko kostatzen zitzaidan nire barrua irekitzea eta laguntza eskatzea, eta depresio sakon batean murgilduta nengoen. Hasieran zaila egin zitzaidan arren, prozesuak bakarrik ez nengoela sentitzen lagundu zidan, eta pixkanaka aldatzen hasteko aukera eman zidan. Gaur egun ere, egun zailak izaten ditut, baina onak diren egunak ere antzematen ditut, eta babes emozional handiagoa dut. Nire bilobak poz- eta sostengu-iturri handi bihurtu dira nire egunerokoan.

Garaziren arteterapia bidelaguntzak asko lagundu dit. Berehala sentitu nintzen gustura berarekin eta nire konfiantza irabazi zuen ere; horri esker, neure zein besteen jarrerak bereizten eta ulertzen hobeto ikasi dut, eta nire barnean lasaiago sentitzen naiz orain. Gaur egun beste leku batetik bizitzen dut nire egunerokoa. Orain, nire buruari denbora ematen, indarrak hartzeko atsedeanaldi batean nago ibilbide luze baten ondoren.

Bi urteko bidea egin dut Garazirekin batera, eta esker oneko hitzak besterik ez ditut. Haren laguntzari eta Arteterapiari esker, nire familia-sisteman ordena jartzea eta arreta behar zutenik ere ez nekien sustraiak sendatzea lortu dut. Ederrena nire feminitatearekin berriro elkartzea eta orain eusten didan barne-indar bat aurkitzea izan da. Sentikortasun handiko profesionala da. Prozesutik gehien gustatu zaidana nire burua ezagutzeko modu berri bat aurkitu izana da, Arteterapia zein indartsua den deskubritzea, eta bide atsegina eta errespetuzkoa dela sentitzea. Orain, terapiaren amaierara iristen ari naizela, nire lanak eta izan dudan bilakaera ikusten ditut, eta zur eta lur geratzen naiz!!

Arteterapian, sentikortasuna bizitzeko eta nire munduari beste begirada batez hurbiltzeko espazio bat aurkitu dut. Sormenez bizitzeak aukera eman dit barrura begiratzeko, irudikatzeko eta, pixkanaka, nire barne-mundua beste modu batera eraikitzeko. Lehen ikusten ez nituen aukerak aurkitu ditut, niretzat atseginagoak eta bizigarriagoak diren barne-paisaia berriak. Nire baitan beste aukera batzuk irudikatzeaz gain, horiei eusteko eta pixkanaka errealitate bihurtzeko bide bat ere aurkitu dut.

Nire eguneroko bizitza zailtzen zuten hainbat alderdi zeudela ohartu nintzen nire gurasoen laguntzarekin, hala nola, beldurrak, lagun arteko tirabirak... Profesional baten laguntza izatea onartu nuen eta Garazirekin aritu nintzen arteterapiako saio batzuetan. Gogoko nituen saioetan egiten nituen zereginak, asko atsegin baitut artea. Marrazkien, buztinaren eta beste hainbat arte adierazpenen bidez, asko lagundu zidan baliabideak neureganatzen eta nire eguneroko bizitza errazagoa eta erosoagoa izaten.

Garazirekin arteterapia ezagutu nuen, eta niretzat inflexio-puntu bat izan da. Marrazketaren, pinturaren, collagearen eta abarren bidez, nire barneko alderdi sakonenei argia eman ahal izan diet, eta luzaroan isilarazitako emozioei ahotsa jarri. Horien artean, emakume izateagatik sentitzen nuen zapalkuntzarekin lotutako emozioak ere bai. Prozesu bizia izan da, batzuetan mingarria, baina baita oso askatzailea ere. Sentitzen dut bidea hasi besterik ez dela egin, baina orain kontzientzia eta argitasun handiagoz bizi dut.

Margotzea edo sormenezko lanak egitea ez da inoiz nire indargunea izan, baina arteterapiara hurbiltzean, nire buruari buruz benetan argigarriak izan diren gauzak aurkitu ditut. Collagen eta marrazkien bidez, nor naizen argitu, neure burua hobeto ulertu eta nire bizitzako alderdi garrantzitsuekin konektatu ahal izan dut, hala nola mugak jartzeko zailtasunarekin. Argitasun eta autoezagutza handiko prozesua izan da, eta horri esker, bizitako guztia nire eguneroko bizitzara eramaten ikasi dut, nire buruarekin koherenteagoa den modu batean. Zoragarria da, Garazi bezalako profesional handi baten laguntzarekin, sortuko den horren ustekabeari ateak irekitzea. Eskerrik asko!

Garazirekin izandako esperientzia oso ona izan zen. Nire bizitzako garai zail batean iritsi nintzen harengana, neure burua ulertzen eta hobeto sentitzen lagunduko zidan babesaren bila. Arteterapiari buruz hitz egin zidatenean, nire burua adierazteko gai izango ez nintzela pentsatu nuen, baina guztiz kontrakoa gertatu zen. Garaziren laguntzari esker, dena uste nuena baino askoz errazagoa izan zen. Prozesuan zehar, erantzunik aurkitzen ez nizkien gauza asko ulertu nituen, eta bizitza beste modu batera ikusten hasi nintzen. Tresnak eta esperientzia bat eramaten ditut nirekin, une zail batean asko lagundu zidana. Berriro garai txar bat biziko banu, ez nuke zalantzarik izango Garazirengana jotzeko, bere gertutasunagatik, gizatasunagatik eta laguntzeko duen moduagatik.